Standerton DeKalb Rugbyklub was verbete in hul aanslag toe hul die afgelope naweek 83-7 met die span van eMalahleni (Witbank), Highveld 1, afgereken het.

Dit was nog nie eers twee minute in die wedstryd in nie, toe Standerton met punte op die telbord spog.

Jy mag dalk onder die indruk wees dat dit dalk ’n gelukkie was, maar nie eers vyf minute hierná nie, toe raak Standerton weer eens ‘gelukkig’, na ’n puik breekslag deur agtsteman, Jurgen Steinbach.

Die manne van Witbank is keer op keer ore aangesit op verdediging en Standerton was geensins van plan om brieke aan te sit nie.

Wat die stelskoppe betref, was dit nie die perfekte weer nie, die wind het méér gehuil en geraas as ’n tiener se ma wat uitgevind het hy rook.

Vir die Standerton-span het dit skop-oefening beteken en bykans elke speler is ’n geleentheid gegun om te probeer, wie sou kon raai dat dié stut, JP Lange, se eintlike posisie losskakel moes wees?

Sien al die foto’s HIER

Lees die volledige berig in die volgende uitgawe van die Standerton Advertiser.