Oosterland-spanne vaar goed in middelskole-liga
Spelers neem binnekort op Ermelo deel.
SECUNDA – Hoërskool Oosterland het Saterdag, 2 Junie met Hoërskool Hoogenhout op Bethal kragte gemeet in die liga vir middleskole.
Oosterland se tweede rugbyspan het Hoogenhout met 23-15 geklop.Hul 0/14-span het Lowveld High School met 51-5 geklop en deurgedring na die kwarteindronde wat op Ermelo plaasvind.
Oosterland se 0/14-hokkiespan het in ’n ander wedstryd teen Hoërskool Evander gespeel en met 4-1 gewen, gelyop gespeel teen Bergvlam met 1-1 en Hoërskool Kanonkop met 4-0 geklop.
Die 0/14-span het na die kwarteindronde wat op Ermelo plaasvind, deurgedring.
Die 0/15-hokkiespan het al drie hul wedstryde net-net verloor en dring nie deur na die kwarteindronde nie.
Die 0/16-hokkiespan het Hoërskool Kanonkop met 2-1 geklop, Bergvlam met 4-0 geklop en teen Hendrina verloor.
Die 0/16-span het na die kwarteindronde op Ermelo deurgedring.
Oosterland se 0/16-seunshokkiespan het Hoërskool Secunda met 2-1 geklop en die liga gewen, terwyl die eerste seunshokkiespan ook hul wedstryd teen Secunda gewen het met 2-0.Hulle moes nog teen Volksrust in die eindronde speel om die ligawenner te bepaal.
