Hoërskool Ermelo se hokkiespelers dring deur na Mpumalanga-eindstryd
Die 0/14A-, 0/15A-, tweede- en eerstespan het na die Mpumalanga-eindstryd deurgedring wat op 21 Julie plaasvind.
Vyf van die Erries se dogtershokkiespanne het Saterdag, 16 Junie aan die Mpumalanga kwart- en halfeindrondes deelgeneem.
Die 0/14A-span het op Ligbron Akademie vir Tegnologie se baan gespeel en Hoërskool Piet Retief 6-0 geklop. Die doele is deur Carla Ferreira, Frané Swart, Surika Struwig, Caylin Loock, Danel Olivier en Kayla van der Meyden aangeteken.
Hulle het in die halfeindstryd teen Hoërskool Volksrust gespeel en 6-0 gewen. Carla Ferrreira en Caylin Loock het twee doele elk aangeteken en Kayla van der Meyden en Danel Olivier een doel elk.
Die Erries se 0/15A-span het by Hockey Farm in die kwarteindronde teen Hoërskool Middelburg gespeel en met ’n “sudden death” 3-2 gewen nadat die eindfluitjie geblaas het met die telling op 0-0 elk. Daarna het die “agt sekondes” plaasgevind waarna die telling weer gelykop was met twee doele elk. Anke Krüger en Margha Greyling het een doel elk aangeteken. Margha Greyling het die wendoel aangeteken.
In die halfeindrone het dié span teen Hoërskool Standerton te staan gekom en die wedstryd 2-1 gewen. Anke de Kock en Mignon Ferreira het die doele aangeteken. Die 0/16A-span het teen Hoërskool Middelburg op Curro Secunda se Astro-baan gespeel en die wedstryd 8-0 verloor.
Hoërskool Ermelo Calstar eerste dogtershokkiespan en die tweedespan het hul wedstryde op Curro Bankenveld se Astro-baan gespeel. Die tweedespan het in die halfeindstryd teen Hoërskool Middelburg gespeel en 5-0 gewen. Jani Hattingh het drie doele geslaan en Zelné de Jager twee.
Hoërskool Ermelo Calstar eerste dogtershokkiespan het in die kwarteindronde teen Hoërskool Hoogenhout gespeel en 8-0 gewen. Ansu Klopper het drie doele geslaan, Yonette Fourie en Kyla Grobler twee doele elk en Nicole van der Merwe een doel.
Die eerstespan het in die halfeindstryd teen Ligbron gespeel en 5-1 gewen. Ruané Huber het twee doele geslaan en Kyla Grobler, Ansu Klopper en Kelly-Anne Bourn een doel elk. Die 0/14A-, 0/15A-, tweede- en eerstespan het na die Mpumalanga-eindstryd deurgedring wat op 21 Julie plaasvind. Die spanne speel vir nommer een of twee in Mpumalanga.
