Ermelo Hoërskool speel deurnag tennis om tennis-bane te verbeter

Hoërskool Ermelo het Vrydag, 12 Oktober ’n deurnag-tennis gehou.

Dit het Vrydagaand om 6nm afgeskop en die deelnemers het volhard tot Saterdagoggend 6vm.

Daar was Errie-tennisspelers, ouers, oud-Errie-tennisspelers, onderwysers en selfs voornemende Erries wat in die reënbuie gespeel het en kom ondersteun het.

Almal het ten spyte van die koue en nat weer saamgekuier om ’n vuurtjie waarop daar ook wors gebraai is.

Elke uur is geborg of uitgekoop deur weldoeners vir EHS-tennis om die bane op te gradeer.

Die skool het elke ouer, leerder, onderwyser en lid van die gemeenskap wat die Erries met hierdie inisiatief ondersteun het, bedank.