Sylvia Bodenstein is krieketspeler van formaat

BETHAL – Sylvia Bodenstein (10), ‘n leerder van Laerskool Marietjie van Niekerk, is die eerste dogter by dié skool wat vir die seuns se 0/11-krieketspan gekies is.

Sylvia ontvang krieketafrigting by die Little Champs Krieket-akademie en is ook deel van die Little Bears Junior-krieketspan wat deel is van Bethal Krieketklub.

Sy het onlangs by die skole-krieketproewe die 0/11-span gehaal en het vir Bethal Bears se 0/11- en 0/13-krieketspanne op die veld gedraf.

“Sylvia is entoesiasties oor krieket en werk hard by die akademie,” het haar afrigter, mnr. Corné Greyvenstein, gesê.

“Sy het altyd ‘n glimlag op haar gesig en is opgewonde om te leer.”