In ‘n baie warm Pretoria het Sasol Rugbyklub se tweede span Saterdag op die warmste tyd van die dag op die B-veld met min skaduwee die Pirates aangepak – en met 39-20 verloor.

Sasol se eerste span het in die eerste 10 minute reeds drie punte op die telbord geplaas.

Die Quins het geantwoord met ‘n drie en verdoeling, waarna Sasol nog ‘n strafsdoel deur die pale gesit het. Die telling was toe 7-6 in die Quins se guns.

Quins het hierna nog twee drieë gedruk en verdoel.

Sasol se Dirk Coetzer het met ‘n skepdoel verras en die halftydtelling op 21-9 te staan gebring vir die Quins.

Na halftyd moes Sasol met 14 man speel met ‘n onverwagse geelkaart.

Quins het hulle kans waargeneem en vinnig met ‘n drie en verdoeling die telling na 28 – 9 opgeskuif.

Twee minute daarna het Sasol terug geveg en ook ‘n drie en verdoeling op die bord geplaas.

Sasol het dit beslis nie maklik gemaak vir Quins nie en beurt op beurt het die twee spanne punte op die bord gesit.

Quins het ‘n rooikaart ontvang 10 minute voor die eindfluitjie geblaas het.

Quins het Sasol met 46 – 37 geklop.