Local sport
Bethal-stoeiers blink uit by Ermelo-toernooi
Unicor Stoeiklub se stoeiers het by die vyfde Pumatjie en MSV-toernooi agt medaljes ingepalm en hul Pumatjie-span het tweede in die Geesbeker geëindig.
Unicor Stoeiklub se stoeiers het op 12 September aan die vyfde Pumatjie en Mpumalanga Stoei-vereniging (MSV)-toernooi in Ermelo deelgeneem en met verskeie medaljes huis toe gekeer.
Die Pumatjie-span het ook ’n tweede plek in die Geesbeker behaal. In die MSV-kompetisie het Nicholas Ludeke en Liam Jevon elk ’n goue medalje verower in onderskeidelik die vrystyl o6- en vystyl o7-afdelings.
Quintin Proudfoot het ’n silwer medalje in die vrystyl o9-afdeling behaal, terwyl Udo Dorfling twee silwer medaljes ingepalm het in die vrystyl o11- en Greco o11-afdelings.
Die brons medaljes is deur Jacques de Valence in die vrystyl o13-afdeling, Udo Dorfling in die Presidente-vrystyl o13-afdeling en Keallian Moh in die Presidente Greco o10-afdeling verower.
At Caxton, every story is written by humans. We use AI only to perform quality checks - never to generate the news. Happy reading!
