Een dood, drie ernstig beseer in gru-ongeluk

Maandag 5 September:

Een mens is vanoggend dood en drie ander ernstig beseer in ’n gru-ongeluk op die N2 tussen Ermelo en Piet Retief.

Die ongeluk waarin drie ligte motorvoertuie en ’n vragmotor betrokke was, het kort ná 07:00, sowat agt kilometer buite Ermelo gebeur.

Twee van die motorvoertuie het van voor teen mekaar gebots waarna een van die motors teen ’n aankomende vragmotor geslinger is.

Die bestuurder van dié motor is op slag dood terwyl drie passasiers ernstig beseer is. Die toestand van die beseerdes is op dié tydstip nie bekend nie.

Die oorsaak van die ongeluk word ondersoek.