Secunda-stoeiers kry plekke by kampioenskappe in Gauteng en Middelburg
Stoeiklub oefen Maandae en Woensdae en belangstellendes is welkom om aan te sluit.
SECUNDA – Stoeiers van die Secunda Stoeiklub het in Februarie aan die Oos-Gauteng Opestoeikampioenskap deelgeneem en presteer.
Jordan Webb het derde geëindig en Reagen Meyer, Zak Manaia en Hein Meyer vyfde in hul onderskeie afdelings.
Brussow Francke, Christiaan Steyn en Pieter Bezuidenhout het aan die LTPD-afdeling deelgeneem en medaljes vir deelname ontvang.
Die afrigters vir dié kampioenskap was mnre. Christiaan Steyn, Michael Francke en Nico van den Berg. Me. Elma Webb was die spanbestuurder.
Die Secunda-stoeiers het weer eens hul staal gewys in die DRC Mpumalanga Opekampioenskap op Saterdag, 3 Maart op Middelburg.
Jordan Webb en Hans Schutte het tweede plekke behaal, terwyl Rikus LOurens, Hein Meyer en Wico Stans derde plekke behaal het.
Hendrik Nel en Zak Manaia was vierde en Christiaan Nel vyfde.
Brossouw Francke, Christopher Polenakis, Christiaan Steyn, Ju-Handre Putter, Anrich Venter, Benji Oosthuysen, Nicholas Polenakis, Simeon Oosthuysen, Pieter Bezuidenhout, George Polenakis en Kamden Lessing het medaljes vir deelname ontvang.
Secunda Stoeiklub oefen Maandae en Woensdae vanaf 6nm.
Vir meer inligting, skakel me. Lollie van den Berg by 082 343 7800.
