Toktokkie van Kansa kuier by Curro Secunda
Kansa moedig leerders aan om gereeld te oefen en meer water te drink.
SECUNDA – Leerders van Curro Secunda het Maandag, 21 Mei meer oor gesondheid geleer toe me. Natasha Philpott en Toktokkie van Kansa hulle besoek het.
Kansa het bewusmaking by die skool gedoen.
Hulle het die leerders aangemoedig om eerder meer vrugte en groente, en minder lekkergoed en soetgoed te eet en vir hulle gesê dit is gesonder om water en vrugtesappe te drink as gaskoeldrank.
“Ons het hulle aangemoedig om gereeld te oefen en sonskerm aan te sit as hulle in die son of buite gaan wees,” het me. Philpott gesê.
Leerders het toe selfs litte losgemaak en geoefen en Kansa het vir die leerders sertifikate vir hul deelname uitgedeel.
At Caxton, we employ humans to generate daily fresh news, not AI intervention. Happy reading!
