Hoërskool Oosterland se Wieleskou by Graceland trek baie mense
Skou samel geld vir drie instansies in vir behoeftiges
SECUNDA – Daar was vermaak en stalletjies om van te kus en te keur die afgelope naweek by Hoërskool Oosterland se Wieleskou wat by Graceland Casino, Hotel en Buitelugklub plaasgevind het.
Me. Liné de Vries, organiseerder van die skou, het gesê dit was ‘n reuse sukses en hulle het geld vir Marietjie Skool, Hoërskool Oosterland se fonds vir behoeftige kinders en die Kosmos Kriel Kinderhuis ingesamel.
Die geld wat met die Spinathon ingesamel is, waar 10 fietsryers vir vier ure aanmekaar gery het, gaan aan Marietjie Skool geskenk word.
Die 10 fietsryers het sowat 728km afgelê.
Die PDPS-span het die rolstoelresies gewen en die geld wat met dié resies ingesamel is, gaan aan Oosterland se fonds vir behoeftige kinders geskenk word.
Die derde geldinsamelingsgeleentheid en vorm van vermaak en avontuur, was die resies deur die dorp waartydens motoriste aan ‘n skattejag en resies kon deelneem.
Die geld wat hiér ingesamel is, sal aangewend word om lekkergoedpakkies en speelgoed te koop vir die kinders in die Kosmos Kriel Kinderhuis.
Me. De Vries het gesê die kosstalletjies was baie gewild en die kos was vroeg reeds uitverkoop.
Die 4×4 Rock Crawlers wat vanjaar vir die eerste keer by die Wieleskou was, het ook groot aftrek gekry en daar was ‘n waglys van mense wat vir ‘n rit in dié 4×4-voertuie wou gaan.
