Geniet ’n helikopterrit in Bethal by GPF se #Pretfees

BETHAL – Die gemeenskapspolisieëringsforum (GPF) nooi almal uit om hul Pretfees op 31 Augustus van 8vm by Hoërskool Hoogenhout mee te maak.

Geniet ’n dag vol vermaak, veteraan motors, helikopter ritte en speletjies saam met die GPF-lede.

Die polisie se honde eenheid gaan ’n reddingsvertoning doen en jy kan selfs skouer met plaaslike brandweermanne en paramedici skuur.

Radio Kragbron sal vanaf die fees uitsaai.

Plaaslike sangers, mode parade, trompoppies, boeresport en selfs ’n potjiekoskompetisie sal lekker saam kuier en vermaaklikheid vir almal verseker.

Uitstallers kan die geleentheid aangryp om hul produkte uit te stal.

Vir stalletjie besprekings skakel Debbie by 062 1869 479.