Laerskool Secunda samel baie eenhede bloed in
Bloeddiens is dankbaar vir skool se bloedskenkersdag.
Laerskool Secunda het die Suid-Afrikaanse Nasionale Bloeddiens (SANBS) op 20 Mei vir die dag aangeneem deur ’n bloedskenkdag by die skool te hou.
Personeel van SANBS het met die landsdiensleerders gesels en hulle vertel hoe belangrik bloed in die mediese veld is.
Die bloeddiens het altesaam 54 eenhede bloed op dié dag ingesamel.
Dot Prinsloo, skakelbeampte van SANBS se tak in Secunda, het die Gr RR-klas, wat as die wenklas aangewys is, gelukgewens met hul inspanning en entoesiasme.
Sy het ook vir Danny Hanger, wat die meeste skenkers vir die dag gewerf het, vir sy ondersteuning bedank.
“Dankie ook aan elke onderwyser, leerder, ouer en almal wat moue opgerol het om dié lewensreddende aksie te ondersteun,” het Prinsloo gesê.
“Julle goedhartigheid en gemeenskapsgees skyn helder.”
