Suidkus Akademie leerlinge (van links) Dané Zaayman, Tharien Venter, Mckayla Fourie, William du Plooy en Curtis Berger het dit vreeslik geniet om oor reptiele en diere te leer by Pure Venom.
SUIDKUS Akademie se graad 1, 2 en 3 leerlinge het die eerste kwartaal afgesluit met ‘n uitstappie na Pure Venom en het hulle verkyk aan die pragtige gekleurde patrone van sommige slange. Met krokodille en ander reptiele veilig in hokke, kon die leerlinge hulle ook behoorlik besigtig.
Om ‘n slang te kon vashou was vir sommige baie avontuurlik, maar vir ander was die versigtige aanraking met die wysvinger genoeg. Die plaasdiere het die kinders baie plesier besorg en nadat daar gesmul is aan heerlike eetgoed, het die leerlinge lekker in die speelparkie baljaar.
Nou begin almal ywerig oefen vir die wintersportdag in Junie. Die junior dogters is goed op dreef met hulle pom-pom passies, en die junior seuns ken al ‘n paar skrikwekkende ‘Haka-bewegings’.
Suidkus Akademie leerling Lee-Anne Richards verkies Pure Venom se plaasdiere oor die slange en krokodille.
Gedurende ‘n onlangse uitstappie het Suidkus Akademie Pure Venom gekies vir graad 1, 2 en 3 om leerlinge voor te lig oor reptiele soos slange en krokodille.
Suidkus Akademie leerling Giné Lubbe lyk baie ongemaklik terwyl sy vrywilligend ‘n slang vasgehou en aangeraak het.
Marcel Roux van Suidkus Akademie was baie opgewonde toe hy by Pure Venom kuier en ‘n kans kry om ‘n slang vas te hou.
At Caxton, every story is written by humans. We use AI only to perform quality checks - never to generate the news. Happy reading!
