SNPS se gr R leerlinge was verlede week besoek deur die ambulansdiens, Med-Evac, om te leer hoe om beseerde mense te help en na die tyd het hulle ‘n geleentheid gekry om in die ambulans te ry. Baie dankie aan Rudi Prinsloo, Paul van der Merwe en Mfundo Majola wat hierdie ‘n baie interessante ervaring gemaak het.
Gr 1 leerlinge is tans besig met die tema ‘speelgoed’ en geniet dit om lang, uitgebreide sinne oor hul speelgoed te skryf.
Alfonso Middleton het gr 7 leerlinge kom toespreek oor entrepreneurskap wat in Ekonomiese Bestuurs Wetenskappe (EBW) behandel word. Die voor- en nadele, sowel as baie opsies is verduidelik. Alhoewel almal dit baie geniet het, besef hulle dat so ‘n onderneming baie harde werk sal vat.
Alle leerlinge wat van voorneme is om vir 2015 by SNPS in te skryf moet sonder verwyl vorms by die skool kom voltooi om ‘n plek te verseker.
