By die SNP gr R ope dag verlede week het (van links) Nadia Swiegers, Storm Pienaar, Kayla de Matos, Caitlyn Havenga, Cayde Rosslee en Kristien Havenga baie nuwe maatjies ontmoet.
SUID-NATAL Primêr se gr R opedag was deur baie nuwe ‘maatjies’ bygewoon en almal was opgewonde en reg vir ‘groot’ skool. Dié wat nog nie vir 2015 ingeskryf het nie moet asseblief die skool kontak aangesien plekke nou beperk raak. Inskrywings vir ander grade is ook nou oop.
Suid-Natal Primêr se senior ouderdomswenners (agter, van links) Nicole Theron (O11), Joshua Prinsloo (O14), Pieter Gouws (O13), Michelle Kretzschmar (O13), Chanelle Bezuidenhout (O14), Anemé Ludick (O12), (voor) Christopher de Bruyn (O10), Charl Harmse (O12), Zeldenique Scheepers (O10) en Renier Jacobs (O11).
Verlede Vrydag se interhuis-atletiekbyeenkoms was ‘n reuse sukses en Pikkie-maatjies en gr R leerlinge het die dag afgeskop met pret resies wat ouers net so veel as die klein leerlinge geniet het. Na al die veld-en-baan items het die Rooi span die meeste punte ingesamel en weggestap met die wenbeker.
(Van links) Cayden Venter (O9), Liandi du Toit (O9), Zonique du Plooy (O7), André Steyn (O8), Connor Burrows (O7) en Yvonne Buitendach (O8) was almal junior ouderdomwenners by the onlangse interhuis atletiekbyeenkoms.
Die bietjie reën kon nie die Blou span se gees demp nie en hulle het die ‘Geesbeker’ losgeslaan. Die skool is trots op al spanne en atlete, sowel as toeskouers wat hulle soos volwaardige Suidies gedra het.
At Caxton, every story is written by humans. We use AI only to perform quality checks - never to generate the news. Happy reading!
