SUID-NATAL Primêr se gr 4 leerlinge het goed aangepas en is hard aan die werk. Verlede week het hul die roetine verbreek en lekker afgekoel op die glybaan.
Landsdienslede het ’n bedrywige naweek gehad wat Vrydag begin het met ’n baie suksesvolle markdag. Die ware kon enige valentyn se hart bly maak. Hul eerste klubkamp het gevolg met meer as 130 leerlinge, onder toesig van vyf onderwysers en vyf studente. Hulle het in goeie luim konsert gehou, gesing, oulike handwerk gedoen en baie geleer, maar min geslaap.
SNP se sportspanne het die afgelope week aan die nagreeks by Port Natal deelgeneem. Hokkie dogters het hul goed van hul taak gekwyt en gelykop teen Kloof geëindig. Die netbal en rugby was opwindend en goeie ondervinding vir almal.
Die O10 en O11 krieket spannetjies het teen Izotsha gespeel en alhoewel hul verloor het, was dit goeie krieket. Welgedaan aan almal.
