DIE vakansie is iets van die verlede met SNP leerlinge fluks aan die werk. Elf O12 en sewe O13 seuns het verlede Dinsdag deurgedring na die volgende ronde van die Laer Suidkus rugby proewe. Welgedaan seuns! Baie dankie aan die Allison Family Trust en KFC vir die borg van die eerste span se nuwe rugby truie. Suidie seuns lyk spoggerig en is gereed vir die seisoen wat voorlê.
Nege netbal dogters wat deurgedring het na die ‘All Ages Provincial Trials’ wat hierdie Vrydag (24ste) plaasvind is sterkte toegewens. Baie geluk aan Rafe Lombard, Megan Wolvaart, Jeandré Joubert, Carla Kretchmar, Suné de Witt en ‘JP’ Myburg wat die Ugu swemspan gehaal het.
Vir Landsdiens klubkamp by SNP die afgelope naweek, het leerlinge ‘plakkerhutte’ gebou en heerlike bunny chows geëet. Al beheerraadslede is opgelei deur Fedsas (Federation of Governing Bodies of SA Schools) en Arista en is nou slag gereed om hul drie-jaar termyn aan te durf.
