Vasberade: SNP leerling Tiaan Henderson (agter) maak seker dat Chanté Henderson eerste plek behaal.
PHOTO BY VEE RAMSAYI
SUID-NATAL Primêr se gr 1 leerlinge is tans besig met die tema diere en sal gedurende hierdie week hul eie stories oor troeteldiere skryf. Volgende week leer hul meer oor wilde diere.
Tydens die onlangse fietsry en kaskar marathons het ouers en leerlinge heerlik saam gekuier. Om die energie hoog te hou, is daar ook gebraai en piekniek gehou tussendeur. By die junior fietsry marathon het die ‘Hawaii’ stalletjie gewen en die ‘Spoke’ het koning gekraai by die senior fietsry marathon. Daar is ongeveer 1 296km afgelê tydens Vrydagaand se byeenkoms. Dankie vir almal se spanwerk!
Beamptes van die brandweer het verlede week gr 7 leerlinge besoek as deel van vierde kwartaal LO en tegnologie. Hulle het meer oor die beroep geleer en wat dit vereis om ’n brandweerman te wees, asook oor die uitrusting wat tydens ’n brand gedra moet word en al die eienskappe daarvan.
Reg vir oorlog: Suidies (agter, van links) Samantha Pauly, Christel van Wyk, Carmen Thompson, afrigter Toinette Verster en Wilmaré Labuschagne (voor) is voorberei vir die fietsry marathon.
Spoedig: Suidie Jolin Smith (links) hardloop vinnig na die einde met sy broer Jonathan by verlede Woensdag se kaskar marathon.
PHOTO BY VEE RAMSAYI
Voorbereid: Suidies Chris Griesel (links) en Skyla Westermann ondersoek hul kaskar voor die marathon. PHOTO BY VEE RAMSAYI
Alles oor diere: SNP gr 1 leerlinge (van links) Tiffany Steyn, Dominique Ferreira en Marcel du Toit geniet die lesse oor troeteldiere en is trots op hul oulike prentjies.
At Caxton, every story is written by humans. We use AI only to perform quality checks - never to generate the news. Happy reading!
