Welkom terug ‘swaeltjies’

Dit is hoe die lidmate van NG Margate die vakansiegangers en besoekers terug verwelkom.

Die Kersseisoen van 2020 het uiteindelik aangebreek en dit is ‘n breuk waarvoor baie van ons dankbaar is. Hierdie jaar was ‘n uitdagende jaar, nie net vir Suid-Afrika nie, maar vir die hele wêreld. Tog is ons steeds dankbaar om die vreugdevolle tyd van Advent te vier, selfs al lyk dit anders as enige vorige Advent.

Met sosiale distansiëring en maskers, kan ons soms teneergedruk voel. Maar dan onthou ons dat dit ‘n teken van barmhartigheid en naasteliefde is.

Dit is dus die perfekte boodskap vir die tyd waarin ons leef. Daarom nooi ons steeds almal uit om ons dienste op Sondae en op Kersdag by te woon, want ons volg die Covid-19 riglyne.

Ons het ook hierdie jaar die digitale wêreld aangedurf en stuur virtuele dienste aan ons gemeentelede en “swaeltjies” d.m.v. Facebook, Youtube en WhatsApp. Ons is veral dankbaar vir hierdie platforms, omdat dit ons toegelaat het om steeds aan te hou met die werk van die Kerk.

Ons kon mense versorg, geloofsvorming toepas en fees vier. Kom neem dus deel en bring saam met ons hulde aan Jesus, ons Redder.

HAVE YOUR SAY

Like the South Coast Herald’s Facebook page, follow us on Twitter and Instagram