Al die reëlings is in plek vir ‘n dag van aanskoulike sewesrugby wat vandag (Saterdag) by die Bosman Stadion plaasvind.

Die Brakpan Rugbyklub se Panne Sewes Fees bied nie net kookwater rugby nie, maar ook vermaak vir die hele gesin.

Die hekke gaan reeds om 06:30 oop wees en die amptelike opening vind om 07:30 plaas. Die eerste wedstryd skop af om 08:00.

Altesaam 12 spanne gaan mee-ding om uiteindelik as wenners vanaf die veld te stap.

Die spanne is: Springs, Boxers Wit (Brakpan), Boxers Groen (Brakpan), Heidelberg, Vereeniging, Nigel, SA All Stars, WACP, Bomb Squad, Mavericks, Gauteng All Blacks en Boksburg.

Besoekers kan uitsien na ‘n groot verskeidenheid kosstalletjies, interaktiewe stalletjies, lekkernye, asook handwerkstalletjies.

Eet- en drinkgoed sal ook by die klubhuis beskikbaar wees. Geen koelerbokse sal toegelaat word nie.