Die Brakpan Blazers krieketklub hou op 5 Desember ‘n fondsinsameling-gholfdag vir die ontwikkeling van klubkrieket in Brakpan.

Die gholfdag vind plaas by die State Mines Country Club.

“Ons nooi alle besighede en borge uit om deel te word van ons groot dag! Jou bydrae help ons om ons spelers, toerusting en ontwikkeling te ondersteun,” het Nickita Foxcroft, een van die organiseerders, gesê.

Om ‘n gat te borg is R1 000, wat sigbare handelsmerke op die dag insluit. Daar is ook die opsie om ‘n prys of item te skenk soos vakansies, geskenkbewyse, ‘n mandjie of produkte of promosie-items.

Deur die dag gaan daar veilings wees, pryse vir die “longest drive,” naaste aan die pen, beste vier-bal, langste putt, en “raffles”.

‘n Vier-bal is R2 800, en die format is Betterball scramble drive en two-ball alliance.  Registrasie op die dag begin om 09:00 en die geleentheid begin amptelik 10:30.

Vir meer inligting, skakel Nickita op 082 089 7637.