Die eerste-na-inperking-vergadering was heerlik

Die Vroue Landbou-unie Nocturne-tak se opgewondenheid kon nie gebottel word tydens hul eerste vergadering na die nasionale inperking nie.

Daar was Donderdag, 1 Oktober luid gesels, gelag en die vergadering was kort gehou om die vroue ’n kans te gee om te kon opvang.

Wilma van Zyl, die tak se president, het gesê dit was vir haar die mooiste geluid om weer haar taklede se lag te hoor.

Daar sal later vanjaar ’n vergadering gehou word waar al die artikels vir volgende jaar se kompetisies bespreek sal word.