Manne takel self Beitstraat se riool
Na dae se gewag vir di emunisipaliteit om ’n drein oop te maak, het plaaslike inwoners self ingespring en dit reggemaak.
Riool wat al drie weke lank in Beitstraat vloei, is deur inwoners self reggemaak.
Op Donderdag, 16 Maart het Frik van Dyk, Charl Smit en Frans van den Heever self ingespring en die verstopte drein in Beitstraat oopgemaak.
“Die riool stroom al drie weke lank. Ons het op ’n punt begin en die pyp gevolg. Die rioolpyp ’n entjie verder was kurkdroog. Ons het na die boonste drein toe gegaan en vandaar af begin om die verstopte pyp oop te maak,” het Van Dyk verduidelik.
Hy het sy eie toerusting gebruik vir die taak.
Hy het na die pad gewys en verduidelik as gevolg van die verstopping het die teer om die tweede drein stuk-stuk afgebreek en die pad ‘spog’ nou met ’n splinternuwe slaggat.
Net ’n entjie verder het Pieter van der Nest ’n drein uitgewys waarvan die deksel in die mangat geval het.
“Ons het dié ook vir die munisipale werkers gewys wat vroeër hier was, maar dit is net geïgnoreer.”
Die munisipaliteit is genader vir kommentaar, maar het teen druktyd nog nie terugvoer gegee nie.
Gesels met ons.
Jy kan ons e-pos op info@witbanknews.co.za, ons skakel by 013 656 2490 of ons op sosiale netwerke volg: webtuiste www.witbanknews.co.za, Facebook, Twitter of Instagram.
