Die begrafnis van mnr. Danie Jansen vind môre plaas.
Oom Danie, soos hy alom bekend gestaan het, se gedenkdiens vind Woensdag, 19 April om 11:00 vanuit die Elishama Gesinsgemeente plaas.
Dié kerk is op Plot 115, Olifants Kromdraai.
Pastoor Arie Jacobs gaan die diens waarneem.
Oom Danie (72) is op Goeie Vrydag in Witbank Hospitaal oorlede.
Hy was tot met sy aftrede in 2016 die plaaslike munisipaliteit se brandvoorkomingsoffisier. Hy was 38 jaar lank werksaam by Emalahleni Brandweerstasie.
Hy laat sy vrou, Leonie, sy suster me. Bessie Nel, ses kinders, vier skoondogters en 15 kleinkinders agter.
“Ons wil graag almal bedank wat ons die afgelope tyd gehelp het. Dankie vir die gebede, boodskappe en oproepe,” was die boodskap van die familie af.
Hoe onthou jy vir Oom Danie?
Stuur vir ons ’n epos na info@witbanknews.co.za of bel ons by 013 656 2490
- Vir meer brekende- en gemeenskapsnuus, besoek gerus ons webtuiste: witbanknews.co.za.
- Jy kan ons ook volg op sosiale media platforms: Facebook Twitter of Instagram
HET JY GEWEET?
Kliek op die woorde wat in kleur uitgelig is om meer te lees oor verwante temas.
