Die Jagtersvereniging het ’n besige jaar agter die blad en dit was hoog tyd vir die klub om hul beste uitblinkers tydens ’n glansaand te vereer met sertifikate en trofeë.

Op Saterdag, 18 November was die tafels mooi gedek en almal in hul beste uitrustings geklee by die Portuguese-saal vir hul jaarlikse prysuitdeling.

Madelein Nienaber was as algehele beste damesjagter in die jagveld benoem.

Sy het trofeë ontvang vir beste jagter in groot antiloop en grootste Blouwildebees, asook ’n trofee vir die grootste Eland.

Die algehele beste mansjagter was Werner Bester.

Die algehele beste mansskud was Johan Steyn in eerste plek, Jan van Niekerk in tweede plek en Gerhard van Niekerk in die derde plek.

Johan Steyn ontvang ook trofeë in beste senior mansskut in langbaan, algehele beste skut in Gonge, Springbok, ‘dangerous game’ en Koi-koi, algehele beste skut in haelgeweer, baanskiet en in vlakte-skiet.

Annatjie van Niekerk het ook trofee na trofee ingeryg vir algehele beste skut in handwapens en Tyro.

Sy is aangewys as die beste damesskut in Gonge, ‘dangerous game’, Koi-koi en vlakte-skiet.

Annatjie, Christine van der Schyff, Mariette Bester en Madelein Nienaber het ook almal goud behaal tydens die Chasa Skietkompetisie in Bloemfontein en was as beste damesspan aangewys.

Jan van Niekerk het brons verower en Johan Steyn het met ’n silwer weggestap tydens dié kompetisie.

Martin Smith het trofeë ontvang vir die beste skut in Vlakvark vir die jaar asook die skut met die hoogste punte tydens die Interprovinsiale skietkompetisie.

Janette Steyn ontvang die trofee vir algehele beste skut in die Rooibok-teiken en Frik Coetzee ontvang die trofee vir beste jagfoto en beste natuurfoto. Hy ontvang ook die trofee vir die beste mansskut met ’n handwapen en Tyro.

Magnus Bester het ook meerderheid van die toekennings opgeraap tydens die prysuitdeling.

Hy is aangewys as die beste algehele junior skut van die jaar en ontvang ook ’n trofee in beste langbaan junior skut, beste junior haelgeweer skut en beste skut in bobbejaan-teiken.

Hy was ook deel van die mansspan wat in Bloemfontein aan die Chasa-skietkompetisie gaan deelneem het.

Ruan Smith was aangewys as die beste junior skut in Rooibok-, Jakkals- en Vlakvark-teiken asook beste skut in Gonge.

Gerhard van Niekerk het ook goed gedoen en was as beste mansskut in Rooibok- en Springbok-teiken. Hy is ook aangewys as beste mansskut in die langbaan-afdeling.

Laastens het Christine van der Schyff haar trofeë ontvang vir beste damesskut in langbaan en ook sertifikate vir die beste damesskut in die haelgeweer-afdeling.

Het jy ’n storie om te vertel?

Stuur vir ons ’n epos na info@witbanknews.co.za of bel ons by 013 656 2490

• Vir meer brekende- en gemeenskapsnuus, besoek gerus ons webtuiste: www.witbanknews.co.za
• Jy kan ons ook volg op sosiale media platforms: Facebook Twitter of Instagram