Die AGS Oasis-gemeente het hul Vrouedag in styl gehou met ’n damesontbyt.

Almal is hartlik verwelkom die oggend van 9 Augustus op Vrouedag, deur die moeder van die gemeente, Veronica Scheepers, met haar pragtige glimlag en warm en hartlike persoonlikheid.

Gerrie Pretorius was die gasspreker en haar tema vir die dag was, ‘Katrina, koningin en koning’. Sy het die woord met soveel passie oorgedra aan elke vrou. Wanneer sy praat, doen sy dit met oorgawe en beduie met haar hande asof die woorde daaruit borrel.

Na afloop van die diens het die dames na die eetsaal beweeg en het almal ’n lekker koppie koffie geniet en net saam gekuier om mekaar beter te leer ken. Daar was ’n heerlike middagete voorgesit bestaande uit ’n hoendergereg en vir die soettand, nagereg met roomys.

Johannes 15:16 “Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in My Naam vra, Hy julle dit kan gee,’’ het die woorde oor haar lippe gevloei…

Nuus wat saak maak … Volg WITBANK NUUS op ons webtuiste, Facebook, Twitter, Instagram of TikTok
Gesels met ons: info@witbanknews.co.za