Die nuwe jaar het op ’n hartseer noot begin vir die familie en vriende van die 22-jarige Dylan Weber.

Weber is vanoggend oorlede aan die beserings wat hy tydens ’n ernstige motorongeluk op Oukersaand opgedoen het.

Toyota Corolla smashes through wall at OR Tambo bend hotspothttps://t.co/0qQDB8knMV #Accident #Christmaseve #crash #wtbnews #witbanknews pic.twitter.com/d85YhWju0d

— WitbankNews (@WitbankN) December 24, 2025

SIEN DIE VIDEO HIER

Die ongeluk het plaasgevind toe Weber se voertuig teen ’n muur in OR Tambo-rylaan gebots het.

Die impak was so groot dat die motor gerol het en hy uit die voertuig geslinger is.

Bid vir Dylan vra familie – dié 22-jarige veg vir sy lewe na ’n ongeluk op Oukersaand https://t.co/9G70RVPNXH #ongeluk #witbanknews #wtbnews #Emalahleni #DylanWeber pic.twitter.com/SpvlLRv0xV

— WitbankNews (@WitbankN) December 26, 2025

Terwyl daar op die nooddienste gewag is, het ’n omstander, Sindy Coertzen, by die beseerde Weber gekniel en vir hom begin bid.

Weber is na die Witbank-hospitaal gehaas, waar hy tot sy afsterwe behandel is.

 “Ek wil namens die familie dankie sê aan almal wat gebid het, asook ’n spesiale dank aan die personeel van Witbank-hospitaal wat so mooi na Dylan gekyk het,” het sy niggie Ilze Terblanche, gesê

Fonds gestig vir begrafniskoste

Om die familie in hierdie moeilike tyd te ondersteun, is ’n BackaBuddy-veldtog van stapel gestuur om te help met die begrafniskoste.

Enigeen wat ’n bydrae wil lewer kan die skakel volg deur hier te kliek: In loving memory of Dylan

Honderde bid vir Dylan https://t.co/uVvg3dvMqR #plaaslikenuus #witbanknuus #nuus #wtbnews #DylanWeber

— WitbankNews (@WitbankN) December 28, 2025

Nuus wat saak maak … Volg WITBANK NUUS op ons webtuiste, Facebook, Twitter,  Instagram of TikTok

Gesels met ons: info@witbanknews.co.za