Oukersaand ongeluk – help die Weber familie om Dylan te ruste te lê

Die familie kort nog R11 830 om Dylan Weber ter ruste te lê.

January 8, 2026

Zita Goldswain 1 minute read

Dylan Weber is oorlede na ’n ongeluk op Oukersaand. Sindey Coertzen bid vir hom by die ongelukstoneel.

Die Kersseisoen, wat vir meeste mense ’n tyd van samekoms is, sal voortaan vir die Weber-gesin altyd deur onbeskryflike hartseer gekenmerk word.

Op Oukersaand was Dylan Weber in ’n ernstige motorongeluk betrokke toe sy motor teen ’n muur gebots en gerol het.

Honderde bid vir Dylan https://t.co/uVvg3dvMqR #plaaslikenuus #witbanknuus #nuus #wtbnews #DylanWeber

— WitbankNews (@WitbankN) December 28, 2025

Weber is met die impak uit die voertuig geslinger en het kritieke beserings opgedoen. Na ’n moedige stryd in die hospitaal, is hy in die vroeë oggendure van 1 Januarie oorlede.

Dylan verloor stryd ná ernstige ongeluk op Oukersaandhttps://t.co/cZybiRixAr #DylanWeber #ongeluk #WitbankNuus #wtbnews #Emalahleni pic.twitter.com/gGQ5IxKGEk

— WitbankNews (@WitbankN) January 1, 2026

Kliek hier om die TikTok video te sien

Hoe jy die Weber-gesin kan help

Terwyl die gesin nog die ondenkbare verlies van sy dood probeer verwerk, staan hulle voor ’n enorme finansiële uitdaging om sy begrafnis te bekostig.

Hulle doen daarom nou ’n dringende beroep op die gemeenskap om hande te vat en te help om die nodige fondse in te samel sodat Weber waardig ter ruste gelê kan word.

Weber se niggie, Ilze Terblanche, het gesê, “Enige bydrae, hoe klein ook al, sal ’n beduidende verskil maak om hierdie finansiële druk op die familie te verlig.”

Die gelde kan direk aan The Funeral Home betaal word.
Neels Koekemoer van The Funeral Home het gesê daar is nog R11 800 uitstaande van die totale bedrag van R19 530.