Genoeg geld ingesamel vir Dylan se begrafnis
Die familie bedank almal vir hul bydraes om Dylan se begrafnis moontlik te kon maak.
Die swaar las op die skouers van die Weber-gesin is verlig nadat die gemeenskap ingetree en geld inbetaal het om vir hul seun se begrafnis te betaal.
Na ’n dringende versoek op WITBANK NUUS se webtuiste is die volle bedrag ingesamel.
Neels Koekemoer van The Funeral Home het bevestig dat die nodige fondse ontvang is en dat die begrafnisreëlings nou sonder enige verdere finansiële hindernisse kan voortgaan.
Die familie bedank almal wat bygedra het, asook diegene wat hul ondersteuning en gebede gedurende hierdie moeilike tyd aangebied het.
Dylan verloor stryd ná ernstige ongeluk op Oukersaandhttps://t.co/cZybiRixAr #DylanWeber #ongeluk #WitbankNuus #wtbnews #Emalahleni pic.twitter.com/gGQ5IxKGEk
— WitbankNews (@WitbankN) January 1, 2026
Weber word op 12 Janauarie begrawe. Die diens begin om 11:00 by die Ou Apostoliese Kerk in Tasbetpark.
LEES MEER Jong man sterf na tragiese Oukersaand-botsing
Nuus wat saak maak … Volg WITBANK NUUS op ons webtuiste, Facebook, Twitter, Instagram of TikTok
Gesels met ons: info@witbanknews.co.za
