Twee beseer toe trok deur muur ploeg
Motoriste word gemaan om versigtig te wees aangesien een van die bane tans gesluit is vir opruiming.
Motoriste word gewaarsku om uiters versigtig te wees op die N12-afrit naby die Sun1-hotel nadat ’n trok vanmiddag deur die grensmuur van ’n regeringsubsidie-behuisingskompleks gebars het.
Volgens mnr. Giepie Fisher van Van Wettens Insleepdienste, het die bestuurder van die trok beheer oor die voertuig verloor, waarna dit deur die kompleks se muur geploeg het.
Die bestuurder en die passasier is met beserings na ’n nabygeleë hospitaal vervoer vir mediese behandeling.
Een van die rybane op die afrit is tans gesluit terwyl opruimingswerkers en die insleepdiens besig is om die voertuig te verwyder.
Verkeer in die omgewing word geraak en padgebruikers word aangeraai om alternatiewe roetes te oorweeg of spoed te verminder wanneer hulle die toneel nader.
Jou stad, jou storie, soos dit gebeur. Bly op hoogte met Witbank Nuus.
Besoek ons op website, Facebook, X, Instagram or TikTok
Epos: info@witbanknews.co.za
