Melissa Vice, die vrou wat daarvan verdink word dat sy haar swaer in Desember vermoor het, het verlede week vlugtig in die Emalahleni-landdroshof verskyn.

Die saak is tot 9 Oktober uitgestel.

Vice is op 24 Desember in hegtenis geneem vir die moord van Willie Visser. Sy liggaam is na ’n grootskaalse soektog naby die Doornpoort-substasie in Seekoeiwater gevind.

LEES MEER  Melissa Vice het vanoggend weer in die hof verskyn

Die hof het tydens ’n hofsitting vroeër die jaar gehoor hoe Vice Visser glo by ’n winkelsentrum opgelaai en vir ’n tyd lank in Hoëveldpark rondgery het voordat sy by Seekoeiwater gestop het.

Sy het hom glo verwurg en met ’n stomp voorwerp teen die kop geslaan.

LEES MEER Verdagte gearresteer op moord van man wie se lyk in Seekoeiwater gevind is

Nadat sy hom glo uit die bakkie getrek en sy persoonlike besittings in die veld ingegooi het, het sy glo gehelp soek na hom.

Vice se regsverteenwoordiger, Koos Harmse, het tydens die borgtogaansoek in Januarie gesê sy ontken enige aandeel in die moord.

LEER MEER Vermoorde man se skoonsuster in die hof

Hy het ook genoem dat hy die verklaring wat Vice kort ná haar inhegtenisname gemaak het, betwyfel, omdat sy nie die kans gegun is om te verduidelik wat gebeur het nie.

In ’n verklaring wat Harmse voorgelees het ter verduideliking van die gebeure volgens Vice, het Visser haar glo getreiter en gedreig vir seksuele gunste. Sy ontken dat sy seks met Visser gehad het.

“Melissa het selfs aangebied om Willie se begrafnisbrief te ontwerp. Sy het ons ondersteun en dit terwyl sy geweet het my seun is dood,” het Visser se ma, Kariena Visser, tydens die borgtogaansoek gesê.

Skoonsuster se saak weer uitgestelhttps://t.co/Qh8jZZ9rdT #melissavice #willievisser #witbanknuus pic.twitter.com/N0dmN2SHV3

— WitbankNews (@WitbankN) June 17, 2026

Jou stad, jou storie soos dit gebeur. Bly op hoogte met die jongste nuus met WITBANK NUUS,

Volg ons op  website, Facebook, X,  Instagram or TikTok

Epos: info@witbanknews.co.za