Hoërskool Dr EG Jansen het bewys hulle gee om deur die Suid-Afrikaanse Nasionale Bloeddiens (SANBD) te help om 53 eenhede bloed in te samel tydens hulle bloedskenkdag op 17 Oktober.
Lede van die nasionale bloedbank was vanaf 12:00 met hul beddens, naalde, sap en koekies gereed om skenkers by te staan. Tot so 17:00 is beddens volgesit.
Ronel Steenkamp, projekbestuurder, het die SANBD en almal wat hulle moue opgerol het om bloed te kom skenk bedank.
“Ons is dankbaar vir die ondersteuning, veral omdat bloed op die oomblik skaars is,” het Steenkamp verduidelik.
Trude Gareekoe van die SANBD het haar dank uitgespreek teenoor die skool en almal wat bygedra het tot die sukses van die geleentheid.
Die datum van die skool se volgende bloedskenkdag moet nog bevestig word.
Lees Ook: Laerskool Concordia se bloedskenkprojek kort ondersteuning
Lees Ook: EG Jansen soek weer jou bloed
