Matrieks vier ’40 days’ by Sonneveld Akademie

Sonneveld Akademie se graad 12 leerders het onlangs hulle ’40 days’ op ‘n prettige wyse afgeskop.

Tydens die gebeure was die onderwysers vir ‘n paar uur in die personeelkamer toegesluit, maar hulle was darem met allerhande lekker eetgoed voorsien.

Die leerders het die geleentheid gebruik om die skoolhoof, Steven Weber, se kantoor en voertuig ‘n ‘mooimaaksessie’ te gee.

Hulle het ook ballonne aan die graad R leerders uitgedeel. Dit simboliseer die einde van hul skoolloopbaan en die begin van die voorskoolse kinders se loopbane.