Felicitas se kermis is om die draai

Soos in die verlede, word daar reeds hard gewerk om van hierdie dag ‘n groot sukses te maak.

Daar sal vanjaar wel nie ‘n optog deur die dorp se strate plaasvind nie, maar die organiseerders beloof ‘n kermis uit die boonste rakke en het gevra dat die publiek dit goed sal ondersteun.

Die skool het ook ‘n beroep op die publiek gedoen om artikels vir die wit Olifant-stalletjie, sowel as tweedehandse klere, wat nog in ‘n goeie toestand is, te skenk.

Persone wat nie self die artikels by die skool kan aflaai nie kan die skool gedurende kantoorure skakel, om reëlings te tref sodat dit opgelaai kan word.

Die telefoonnommer is 011 813-4142.