Boeremark spog met unieke stalletjies

Buitengewone items en produkte is volop by die mark.

November 14, 2023

Charma du Plessis 1 minute read

Van die gedrukte lessenaar-matte wat beskikbaar was by die drukkers se stalletjie.

Brakpan Garden and Pet Centre het Saterdag hul gewilde maandelikse Boeremark aangebied, waar besoekers ‘n magdom unieke stalletjies kon besoek.

Heerlike eetgoed het onder andere vars gemaakte roosterkoeke, kaaskoekies en wafels ingesluit en allerlei drankies was ook te koop

‘n Gewilde stalletjie was Boba, oftewel borrel tee. Die lekkerny is ‘n ystee in verskeie geure met ‘n tapioca pêrel, of borrel, wat vrugtesap of stroop bevat.

As jy ‘n pêrel opsuig en stukkend byt kry jy ‘n ontploffing van geur.

Daar was ook ‘n verskeidenheid stalletjies in die groot onthaalsaal wat onder andere skoonheidsprodukte, ontwerpers-hout snyplanke, suurdeeg brode, neute, hand gehekelde- en gebreide items en spesiaal gedrukte foon omhulsels en ander produkte ingesluit het.

ALSO READ: Do you live a heart-healthy lifestyle?

ALSO READ: Water police concerned about increase in drownings