Brakpan haal finaal by Heidelberg Rugbyklub Sewes toernooi

All Stars het koning gekraai by die toernooi.

November 28, 2024

Heidelberg 1 minute read

'n Skrum word gesak in die 7's wedstryd,

HEIDELBERG – Heidelberg Rugbyklub het op 23 November ‘n Sewes Rugbytoernooi op die rugbyvelde van die Hoër Volkskool aangebied.

Spanne het ver en wyd gekom om deel te neem aan die toernooi, waar Brakpan deurgedring het na die finaal maar die knie moes buig teen die All Stars Uitnodingspan

Deelnemende spanne was: Heidelberg (drie spanne), Springs, Pretoria, NWU, Welkom Rovers, Brakpan (twee spanne), Elsburg, ERU en All Stars uitnodigingspan.

Brakpan Rugbyklub se span het tweede geëindig.

Daar was ook ‘n paar junior spanne wat teen mekaar op die dag die stryd aangesê het. Goeie en aanskoulike rugby was reg deur die dag op die spyskaart.

Na afloop van die dag se spel het Brakpan en All Stars deurgedring na die finaal toe. Die finaal was baie gelykop om mee te begin en die eindtelling het nie die ware weergawe van die wedstryd weerspieël nie.

All Stars het die wedstryd 21-7 gewen, met die wendrie, wat reg teen die einde van die wedstryd aangeteken is.