Laerskool Dalview is vol opgewondenheid en gereed vir die 7’s-rugbyseisoen wat voorlê. Die skool se spanne sal aan verskeie toernooie deelneem, insluitend hul eie Dalview 7’s Toernooi wat vandag (31 Oktober), en môre (Saterdag) plaasvind.

“’n Spesiale woord van dank gaan aan die hoofborg, WC Metals Brakpan, vir hul volgehoue ondersteuning.

“Vir die vierde agtereenvolgende jaar maak Willie en Lindy Coombs se ruim bydrae dit moontlik om nie net die toernooi nie, maar ook die spanne se nuwe uniforms met trots aan te bied,” sê onderwyser Anelene Cilliers.