Jana Vermeulen skryf per e-pos:
Met verwysing na die berig in die Herald van 26 Oktober (Radio group rallies to save books).
Dit is met groot dankbaarheid dat ek gelees het dat daar nog mense is wat ruggraat het en doen wat gedoen moet word.
Mense van vandag (en ek sluit myself nie uit nie) is baie geneig om terug te sit en sien of iets gaan gebeur.
My kinders het daardie biblioteek omtrent elke week besoek om hulle take te doen. Die plek was amper soos ’n heilige plek waar daar nog stilte en respek was.
Ek onthou die reuk van die ou biblioteek maar te goed en ek moet sê ek was geskok toe ek sien hoe die plek agter gelaat is.
Ek wil vir elke persoon van die Radio Groep wat gehelp het dankie sê. Julle het julle tyd, krag en voertuie opgeoffer om ’n wonderlike daad te verrig.
Net solank julle weet dat daar baie mense is wat baie groot waardering het vir dit wat julle gedoen het.
Volg ons:
For more #hyperlocal news at your fingertips, visit Springs Advertiser, Boksburg Advertiser, Benoni City Times, African Reporter
