Valke Jeugliga finale wedstyde op Bosman Stadion beslis
Die dag het vir jong spelers die geleentheid gebied om hul staal te toon.
Die Brakpan Rugbyklub het Saterdag, 19 September op Bosman Stadion, gasheer gespeel vir die finale wedstryde van die Valke Jeugliga.
Ligawedstryde en vriendelike wedstryde is gespeel, wat verseker het dat die program propvol was vir die hele dag.
Vier van Brakpan se spanne is in die eindstryde gewees, met drie van die spanne wat oorwinnings aangeteken het..
Die o10 en o13-spanne het albei gewen teen Boksburg, o10 met ‘n telling van 17-10 en o13 met dieselfde punte.
Die o14-span het vasgeval teen Vereeniging met ‘n telling van 26-5, maar die o18-span het met ‘n oortuigende oorwinning van 39-34 teen Vereeniging van die veld afgestap.
Altesaam is daar 17 ligawedstryde op die program gewees vir die A- en B-velde, saam met 14 vriendelike wedstryde wat meestal op die C-veld gespeel is.
Die skare was geesdriftig, met harde krete vir die skeidsregter wat gereeld gehoor kon word.
Beserings was ook nie skaars nie, maar die bekwame noodhulp amptenare was vinnig om die beseerde spelers te behandel, en waar nodig van die veld af te help.
