Nuwe datum vir Brakpan DBV se jaarvergadering
Die Brakpan DBV se jaarlikse algemene vergadering is uitgestel en sal nou op 23 Julie by die DBV-perseel in Witpoort plaasvind.
Die Brakpan Dierebeskermingsvereniging (DBV) se jaarlikse algemene vergadering, wat aanvanklik vir 27 Junie geskeduleer was, is uitgestel en sal nou in Julie by ’n nuwe lokaal plaasvind.
Die vergadering vind op 23 Julie om 14:00 by die DBV-perseel in Denneweg 96, Witpoort, plaas.
Die jaarvergadering bied gemeenskapslede die geleentheid om terugvoer te ontvang oor die vereniging se aktiwiteite, prestasies en toekomstige planne.
Die DBV verwelkom insette van die gemeenskap, en komplimente, klagtes, vrae of formele verklarings kan skriftelik aan vicechair@brakpanspca.co.za gestuur word.
Die sluitingsdatum vir indienings is 3 Julie.
Inwoners wat die jaarvergadering wil bywoon, word versoek om hul bywoning teen nie later nie as 20 Julie te bevestig.
LEES OOK: VIDEO: Familie bring hulde aan Malcolm Booysen een jaar ná noodlottige ongeluk
LEES OOK: Brakpan SAPS joins community outreach initiatives to promote safety and social upliftment
