Local newsNews
Warriors-netbalklub van Carletonville behaal goeie uitslae in liga
Die Warriors A-, B- en vrouespanne het indrukwekkende vertonings in Potchefstroom gelewer ondanks die ysige wintertoestande.
Hoewel die meeste ander inwoners die afgelope naweek nie onder hul komberse uitgeklim het nie, het lede van die Warriors-netbalklub van Carletonville uitstekend tydens hul ligawedstryde gevaar.
Die klub neem aan die Kenneth Kaunda-liga in Potchefstroom deel waar hulle teen opponente van verskeie dorpe te staan kom.
Volgens die klub se woordvoerder, Joe Bosh, het die Warriors A-span gelykop geëindig met die Mosaic Warriors met ‘n telling van 15-15.
Die Warriors-vrouespan het Potch College 30-13 geklop, terwyl die Warriors B-span Mosaic Warriors met ‘n stewige telling van 27–8 in die stof laat byt het.
Inwoners wat meer van die klub wil weet, kan Rochagne Nolan skakel by 074 042 8520.
At Caxton, we employ humans to generate daily fresh news, not AI intervention. Happy reading!
