Carletonville se skopboksers blink uit by Tiny Titans-kompetisie
Jong skopboksers van Fight St-skopboksklub in Carletonville het by die Tiny Titans-kompetisie in Brakpan uitstekend gevaar en waardevolle voorbereiding vir hul volgende groot uitdaging gekry.
Die Fight St-vegters wat medaljes ingepalm het, is Elijah van der Walt (drie silwer medaljes), Luke Weston (vier goud), Eon Paich (drie silwer) en Miliche Dudzus (drie goud). In die tweede ry is Marques Dudzus (een goud, een silwer en een brons), Hennie Rademeyer (drie goud), Zavier Sanders (drie silwer), Drikus Otto (twee silwer en een brons), Keagan Williams (een goud en een brons) en Jessi Kolbe (vier goud). In die derde ry is Josua Kolbe (goud), BG Janse van Vuuren (twee silwer en een brons), Hartwicht Kirsten (drie silwer), Zayden Paich (goud) en Ziaan Paich (drie goud). In die vierde ry is Janco Kolbe (twee goud, een silwer en twee brons), Owen Dudzus (drie goud), Dylan van Dyk (drie silwer), Kaitlyn Botha (drie goud), Luhann Kirsten (drie goud en een silwer) en Jaycee Paich (silwer en twee brons). Agter is Francois Ackerman (afrigter), Chané Dudzus (afrigter), Charmaine Venter (afrigter), Org Janse van Vuuren (afrigter), Colette Paich (afrigter), Alet van Winkel (bestuurder) en Shihan Chimmy van Winkel (afrigter).
‘n Groep skopboksers van die Fight St-skopboksklub in Carletonville het die afgelope naweek gewys dat hulle vir niemand hoef terug te staan nie.
Die jong vegters het op 29 Augustus aan die Tiny Titans skopbokskompetisie in Brakpan deelgeneem. Dié jaarlikse byeenkoms gee aan jonger vegters die geleentheid om hul vaardigheid te meet.
Volgens die klub se afrigter, Shihan Chimmy van Winkel, het 101 vegters van regoor Gauteng en die Noord-Kaap, sowel as Ellisras deelgeneem.
“Die outjies het baie goed gedoen en ek is trots op hulle. Hierdie was ook ‘n voorbereiding vir die Battle of the East wat op 22 Oktober in Brakpan gehou word,” sê Van Winkel.
Hy noem ook dat al die jong vegters wat aan die forms-kategorie deelgeneem het, goue medaljes huis toe gebring het.
At Caxton, every story is written by humans. We use AI only to perform quality checks - never to generate the news. Happy reading!
Adele has been in the community media since 1997, first in Mpumalanga and since 2008 in Gauteng, and is passionate about giving a voice to residents of all communities.
