‘n Groep vegters van die XKT Fight St skopboksklub in Carletonville het die afgelope naweek tydens ‘n groot kompetisie in Pretoria presteer. Verskeie lede van die klub het Saterdag van vroeg tot laat aan die Great North-kragmeting in die Pretoria middestad deelgeneem. Meer as 400 vegters van regoor die provinsie sowel as besoekers van onder …
Die vegters wat uitstekend tydens Saterdag se kompetisie presteer het, is voor Liam Zandberg (silwer in light asook 'n vierde plek), Tinus van Wyk (brons in continuous), LJ Marshall (silwer) en Emma Botha (goud en twee silwer in semi light en kick light). In die tweede ry is Marike Jansen van Vuuren (twee goud in semi en light), Sumari-May Eddy (drie goud in semi, light en kick light), Kaiden Viljoen (goud en twee brons in semi, light en kick light), Prince Lesedi (twee goud in semi en light) en Alexis Fowler (goud en twee silwer in semi, light en kick light). In die derde ry is Abigail Botha (drie goud in semi, light en kick light), Kaitlin Botha (twee silwer in semi, light en kick light) en Shenick Els (twee goud in semi en light). In die vierde ry is Shihan Chimmy van Winkel (afrigter), Nathan Sale (twee silwer en brons in semi, light en kick light), Alex Tuz (vierde plek) en Jordan Mitchell (goud en twee brons in semi en light). Agter is Tyron Fernandez (silwer in vol kontak), Kevin Wright (twee goud en brons in semi, light en kick light), Charmaine Rabbolini (goud, silwer en brons in semi, light en kick light, JT Tuz (brons in semi), Dewald Greyling (drie silwer in light en kick light) en Maxi van Winkel (afrigter).
‘n Groep vegters van die XKT Fight St skopboksklub in Carletonville het die afgelope naweek tydens ‘n groot kompetisie in Pretoria presteer.
Verskeie lede van die klub het Saterdag van vroeg tot laat aan die Great North-kragmeting in die Pretoria middestad deelgeneem.
Meer as 400 vegters van regoor die provinsie sowel as besoekers van onder meer die Noord-Kaap het om medaljes meegeding.
Volgens die klub se afrigter, Shihan Chimmy van Winkel, kon vegters van so jonk as sewe jaar oud aan die kompetisie deelneem. Die vegters het in semi light, kick light en volle kontak-afdelings meegeding.
“Ek is baie trots op ons klub want hulle het só goed geveg dat van die lede in van die afdelings selfs teen mekaar moes uitbaklei vir medaljes. Dit was baie goeie voorbereiding vir die SA’s wat in April in Ellisras plaasvind,” sê Van Winkel, wat ook tydens die byeenkoms as skeidsregter moes werk.
At Caxton, every story is written by humans. We use AI only to perform quality checks - never to generate the news. Happy reading!
Adele has been in the community media since 1997, first in Mpumalanga and since 2008 in Gauteng, and is passionate about giving a voice to residents of all communities.
