Die organisasie het hul Kos-mos-niks gemeenskapswinkel in Fochville se hoofstraat in Losberglaan Vrydag, 9 April geopen.

Volgens die SAVF in Carletonville se hoof maatskaplike werker, mev. Mariëtte Hartley, kan inwoners ou klere of klere wat hulle nie meer dra nie, by die winkel aflaai. Dit word dan teen baie goedkoop aan die gemeenskap verkoop. Nie net help dit om geld vir die organisasie in te samel nie, maar help ook mense wat nie baie geld het nie, aangesien hulle nou vir baie goedkoop iets kan kry om aan te trek.

Die SAVF se nasionale president, Graeme Peplar, het ook die opening bygewoon. Hy is die eerste man wat in die SAVF se bestaan van meer as 100 jaar aan die stuur van sake staan. Intussen is inwoners welkom om skenkings vir die winkel te maak en dit te ondersteun.

Diegene wat meer oor die SAVF se aktiwiteite wil weet, kan hulle by (018) 786 1016 skakel of hul kantore agter Carletonville Hoërskool in Uralitestraat in Carletonville besoek.