Pastore trou in eg-Hebreeuse styl

Pastoor Jan Combrinck van Lesedi Care Centre in Rensburg, het weer liefde gevind. Jan en Pastoor Annamarie Lensley van Meyerton het op 11 Januarie in eg-Hebreeuse styl in die AGS Kairos Kerk getrou. Die bruid is met luide trompetgeskal en die blaas van die ramshoring en shofar in die kerk verwelkom. Die Shofar is ‘n ramshoring wat deur Dawid in die tempelorkes gebruik is en ook geblaas is om feestelike geleenthede aan te kondig.
Annamarie se gemeente het verlede jaar die Lesedi Care Centre onder hul vlerk geneem en Sondae kom hand bysit by dié gemeente wat veral na hulpbehoewende mense en weeskinders omsien. Geestelik seëninge was nie al wat Jan ontvang het nie, en spoedig het hy en Annemarie besef dat hulle nie aan die liefde kan voorskryf nie.
Die bruilof was gekenmerk met simboliek en geestelike danse.