Digte rook op Nigel/Heidelberg pad oorsaak van kettingbotsing

‘n Groot veldbrand gister op die R42 pad tussen Nigel en Heidelberg het veroorsaak dat ‘n klein motor, twee dubbelkajuit bakkies, twee motorfietse en ‘n vragmotor in ‘n kettingbotsing betrokke was. Die ongeluk het omstreeks 11:30 plaasgevind toe die voertuie weens die digte rook spoed verminder het. Die rook was egter só dig dat ‘n vragmotor nie die voertuie voor hom gesien het nie. Hy het die agterste voertuie gestamp wat ‘n kettingreaksie veroorsaak het. Een van die motorfietse het onder een van die bakkies beland. Die motorfietsryer het wonderbaarlik net ‘n fraktuur aan sy regterbeen opgedoen. Geen ander ernstige beserings is aangemeld nie.