DBV se Toffie teruggevind

Blye weersiens: Toffie, die DBV op Heidelberg se eie hond, is teruggevind nadat sy vir twee dae weg was. Toffie lê die personeel na aan die hart en die hele Heidelberg het na Toffie help soek nadat sy een nag ná harde skote in die omgewing, verdwyn het. Toffie se foto is op sosiale netwerke geplaas en die soektog het begin. ‘n Oplettende George Booker (Jnr), Heidelberg se eie privaatspeurder, het Toffie Donderdag nag naby Heidelberg Mall gewaar. Sy het egter vir hom weggehardloop. Bestuurslede van die DBV het help soek en Toffie is naby die tonnel van die inkopiesentrum gevind. Toffie was veral bly om met Ans Botha (inspekteur) herenig te word.