Lydia Rice

news1.heraut@lantic.net
Phillip Beukes (23) en sy ma Karen was op 6 September oppad terug van ‘n naweek in Amsterdam toe hul voertuig omstreeks 21:00 in ‘n trompop botsing met ‘n bakkie betrokke was.
Karen is met ‘n gebreekte kakebeen in Life Suikerbosrand Kliniek opgeneem, terwyl Phillip vir meer as ‘n uur in die wrak vasgekeer was. Hy het albei sy bene en regterarm gebreek en veelvuldige kopwonde opgedoen.

Volgens ‘n familielid het Phillip baie bloed verloor. Sy liggaam het in skok gegaan en hy kon nie dieselfde dag ‘n operasie ondergaan nie. Hy is onder verdowing gehou en dokters sou op 7 September poog om op hom te opereer.

Die bestuurder van die bakkie is met minder ernstige beserings na Heidelberg Hospitaal vervoer. Haar passasier het geen beserings opgedoen nie.
Nigel polisie ondersoek die oorsaak van die ongeluk.

Sien ook die artikel op FB
Reddingswerkers moes lewenskake gebruik om Phillip Beukes uit die wrak van sy voertuig te bevry nadat hy en sy ma Karen in ‘n trompop botsing op die Heidelberg/Nigel-pad betrokke was.

Die nuutste nuus is dat Phillip gisteraand (7 September) geopereer is en onder verdowing gehou word. Sy ma is intussen ook na die Unie Hospitaal oorgeplaas.