LEES VOLLEDIGE ARTIKEL IN DIE VOLGENDE UITGAWE VAN HERAUT

Corlett het reeds in drie episodes van die werklikheidsreeks ‘Mooi van Binne’ wat op VIA TV, (Dstv kanaal 147) uitgesaai word, verskyn. Kortliks opgesom is die ‘Mooi van Binne’ kandidaat ‘n verrassende voorbladgesig via ‘n kameralens. In dié reeks volg ‘n televisie kameraspan ‘n fotograaf in haar soektog na ‘n kandidaat wat voel dat sy nie mooi genoeg is om op die voorblad van ‘n glanstydskrif te verskyn nie. Sodra die fotograaf ‘n geskikte persoon vind, volg ‘n daglange bederfsessie op dié kandidaat, waartydens sy ook ondermeer deur ‘n grimeerkunstenaar onder hande geneem word.

Die idee is om vir vroue te wys dat selfbeeld ‘n groot rol speel. Corlett  neem foto’s voor en na die oormaaksessie wat uit twee dele bestaan en deel in die vroue se opgewondenheid oor hul nuwe voorkoms.

“Elke episode het ‘n positiewe impak op al die betrokke partye – selfs op my as fotograaf. Deelnemers stap ‘n goeie skeut selfvetroue  daar uit,” het Corlett gesê.

Die foto-gogga het Corlett ongeveer vier jaar gelede gebyt toe sy vir ‘n fotografie-kursus ingeskryf het. Haar talent het dadelik uitgestaan en sy het besluit om fotografie as stokperdjie in ‘n professie te omskep. Gedurende Oktober het Marno Engelbrecht (vervaardiger van die reeks) haar genader nadat hy van haar werk op sosiale media raakgesien het. Hy het Corlett gevra of sy belangstel om voor die kameras as fotograaf vir die reeks te werk en sy het die geleentheid dadelik aangegryp. Die eerste episode het gedurende Desember op televisie verskyn.

“Aan die begin was dit intimiderend om voor die kameras te werk, maar die mense op stel het mekaar beter leer ken en verstaan.”

Hou gerus die program ‘Mooi van Binne’ dop wat om 20:00 op Dinsdae (Dstv kanaal 147) uitgesaai word.